Chartas da lectur: Observar ils dretgs dil pievel!

Observar ils dretgs dil pievel!

2010 ha il suveran Svizzer detg gie tier l’iniziativa da repatriament. L’emprova dalla Classe Politique da sutminar l’iniziativa en ina lescha migeivla ei vegnida refusada dil pievel. Cun l’iniziativa pil repatriament effectiv („Durchsetzungsinitiative“) duei la veglia dil pievel finalmein vegnir realisada e jasters criminals dueigien vegnir exilai ord nossa tiara. El dentertemps ein nossas perschuns emplenidas per 80% entras persunas digl exteriur. Ils advocats vulan cumbatter pil dretg da restar da mintga immigrant sin donn e cuost dil stadi. Derschaders vulan vinavon fa da car cun criminals. En la campagna mediala actuala vegn cumbattiu igl interess dalla PPS cun dubiteivels arguments. La finamira dalla campagna ei clara: Procurar per confusiun ed evitar in success. Ils votants maiorents laian denton buca menar giud via da tala: els legian il text dall’iniziativa e fan sez lur meini. In meini davart la damonda, sche massiv criminals ein vinavon beinvegni tier nus ni buca. E sch’ils ulteriurs criminals dueigien tier repetiziun dils delicts era vegnir exilai ord la tiara. Quella damonda stuein nus Svizras e Svizzers decider sez, senza risguard sin Brüssel.

Pablo Maissen, President da la PPS Surselva, /Mustér