Mitmachen
Artikel

La PPS – per la libertad e l’independenza

La PPS dal Grischun vul occupar ina sedia en il Cussegl naziunal. Ella è persvasa: per far valair ils interess grischuns sto noss chantun esser represchentà vinavant en la pli gronda fracziun a Berna. Quai facilitescha da cuntanscher maioritads en favur da nossas regiuns. Enfin ussa è la PPS dal Grischun stada represchentada en il Parlament federal entras il cusseglier dals chantuns Christoffel Brändli, che ha mess en moviment bler per il Grischun.

 La PPS è sa profilada ils ultims onns cleramain sco la pli ferma partida da la Svizra cun ina politica burgaisa consequenta. Tschintg puncts da program stattan en il center da las elecziuns da l’atun:

Gea a la Svizra

La PPS è adina s’engaschada per ina Svizra independenta – cuntrari a la Partida socialdemocratica che vul che la Svizra daventia commembra da l’UE e cuntrari a las partidas da mez che refuseschan avant las elecziuns medemamain da far part da l’UE, ma che na vulan betg retrair la dumonda d’adesiun a quella. La PPS è persvasa che mo ina Svizra independenta è capavla da mantegnair la diversitad e la libertad da noss pajais.

Limitar l’immigraziun

La PPS approva in’immigraziun controllada da forzas da lavur indispensablas per noss pajais. Ella refusescha dentant in’immigraziun illimitada. Perquai pretenda ella urgentamain tractativas cun l’UE per pudair restrenscher l’immigraziun. La PPS è persvasa ch’in augment da la populaziun svizra sin 9 miu. abitantas ed abitants fiss surtut in dischavantatg per noss pajais: la consequenza fissan plazzas da lavur mancantas/dapli persunas dischoccupadas, la sutminaziun da las ovras socialas, pli auts pretschs per abitaziuns, difficultads cun l’infrastructura dal traffic, problems d’integraziun nunschliabels. I fiss insupportabel d’adossar als pajataglias ils custs che sa resultassan d’ina tala politica.

Rinforzar l’economia

Dal 2010 al 2011 èn vegnidas augmentadas cunter la voluntad da la PPS las taglias e taxas en noss pajais per passa 4 milliardas francs. Il dumber da collavuraturas e collavuraturs da la Confederaziun è creschì ils ultims onns fermamain ed uschia è creschida era la birocrazia. La PPS sa dosta energicamain cunter quest svilup, perquai ch’el flaivlenta noss’economia e periclitescha plazzas da lavur. La PPS s’engascha perquai per taglias e taxas pli bassas e per ina reducziun consequenta da las prescripziuns birocraticas per ils manaschis pitschens e mesauns.

Rinforzar ils dretgs dal pievel

Cun agid dal dretg internaziunal e da giudicats dubius èn ils dretgs dal pievel vegnids mess adina pli fitg en dumonda ils ultims onns. Tar l’iniziativa per il repatriament refusescha la politica schizunt da realisar la clera decisiun dal pievel da bandischar da noss pajais delinquents esters che han commess grevs crims. La PPS cumbatta cun tut ils meds per ch’ils dretgs dal pievel na vegnian betg sutminads.

En favur dal Grischun

Mintga Grischun paja oz 4 giadas dapli per l’avertura dal traffic ch’in Svizzer en media. La concentraziun da las investiziuns per il traffic sin la NEAT e las aglomeraziuns pudess anc pegiurar questa situaziun. La PPS cumbatta che la Confederaziun mettia a disposiziun avunda meds per l’avertura da las vias er en territoris periferics e muntagnards, sco era per viafiers privatas sco la Viafier retica. Ina bun’avertura è la basa per noss turissem. Cun defender in’agricultura autonoma s’engascha ella per la segirezza da nutriment e la tgira da la cuntrada. Ulteriuras infurmaziuns èn da chattar sin la pagina web da la PPS dal Grischun e da la PPS Svizra: ellas cumprovan che la PPS è la partida che ha quità da noss pajais.

Schreibe einen Kommentar

Deine E-Mail-Adresse wird nicht veröffentlicht. Erforderliche Felder sind mit * markiert

Artikel teilen
Kategorien
mehr zum Thema
weiterlesen
Kontakt
SVP Graubünden Sekretariat,
Petra Casty,
Via Ruegna 2,
7016 Trin-Mulin
Telefon
076 247 91 66
E-Mail
Social Media
Besuchen Sie uns bei:
Wir verwenden Cookies, um Inhalte und Anzeigen zu personalisieren, Funktionen für soziale Medien anbieten und Zugriffe auf unsere Webseite analysieren zu können. Ausserdem geben wir Informationen zur Nutzung unserer Webseite an unsere Partner für soziale Medien, Werbung und Analysen weiter. Details ansehen
Ich bin einverstanden