Fini cun „salaris da quietezza“ per cusgliers guvernativs – Reto Lehner, grond cusglier

Nos cusgliers guvernativs praistan üna gronda e preziusa lavur per nos chantun. Davo lur temp d‘uffizi sun els cun lur grond savair e lur colliaziuns socialas persunalitats dumandadas in nossa economia. Infin uossa survain mincha cusglier guvernativ ün „salari da quietezza“ chi‘s basa sün la quantità d‘ons d‘uffizi. Davo 12 ons d‘uffizi s‘amunta quel salari sün 115‘000 francs l‘on. Ingün oter manster nu cugnuoscha uschè üna regla e perquai esa dad abolir quists privilegs per üna elita politica.

Nos cusgliers guvernativs sun sgürats bain pro la chascha da pensiun chantunala e cun ün salari regular da passa 270‘000 francs dürant il temp d‘uffizi as poja pretender cha‘ls cugliers guvernativs mettan dvart tant chi survivan fin pro la prosma plazza da lavur o pro la pensiun ordinaria.

La fin da november pudaina vuschar sur da l‘iniziativa dal PPS «Schluss mit dem goldenen Fallschirm für Regierungsräte – Nein zum lebenslangen Ruhegehalt». Id es temp cha nus müdan quist regulativ, perquai propuon eu ün cler „SCHI“ a la votumaziun dals 30 november 2025 ed ün NA a la cuntraproposta.