Ils 30 da November GIE alla iniziativa paracurdada d`aur – deputau Martin Sgier

Preziai votants Grischuns, preziadas votatantas Grischunas

Ils 30 da november astgein nus puspei ir a votar ed aschia purtar nos meinis ad urna.

En caussa cantunala setracta ei dil paracurdada d`aur, dil qual vus haveis segir legiu el davos temps. Gie, secapescha che nos cusseglierAs guvernativAs han ina massa lavur e responsabladad duront il temps en uffeci, perquei vegnan ils 267’000.- paga ad onn buca mess en damonda. Auter eis ei denton tier il paracurdada d`aur che sa esser tochen tier 115`000.- ad onn. Quei, el cass dad oz, per veta duronta. Ei quei gest ? Survegnir bunamein 10`000.- el meins senza prestaziun? Con ditg stueis vus luvrar/spargnar da realisar quella summa?

‘Aunc’ pagar il parisol era il votum dad in’autra brev da lecturs. Sinaquei tschentel jeu la damonda: Sch’ei dat in urezi, sa igl anteriur cusseglier guvernativ buca semplamein prender neunavon ina capiala ch’el posseda gia?

Tier la schgnocca che vegn era adina repetida. Ils cussegliers guvernativs drovien ina schligiaziun cun in pagament da ruaus per restar independent, ha il temps vargau mussau che l` independenta era gnanc garantida cul paracurdada d`aur che vala ni beingleiti valeva per veta duronta.

Aschia eis ei gest da votar GIE alla iniziativa e refusar la cunterproposta. Buca emblidar dad era far la crusch tier la davosa damonda decisiva per l`iniziativa.

Martin Sgier, deputau, Lumnezia