SVP Kanton Graubünden
La direcziun da partida da la PPS propona il deputà Roman Hug sco nov president da partida
Suenter ils scleriments e discurs preliminars conscienzius cun tut las candidatas e tut ils candidats potenzials ha la direcziun da partida decidì unanimamain a chaschun da sia sesida dals 12 da schaner 2020 da proponer a las delegadas ed als delegads ils 16 da schaner 2020 sco nov president da la PPS Grischun il deputà en il Cussegl grond Roman Hug da Trimmis.
Considerond tut las constellaziuns politicas actualas è la direcziun da partida sa decidida unanimamain per Roman Hug sco successur da Heinz Brand. Roman Hug, naschì il 1980, da professiun architect independent, è president communal da Trimmis e deputà. Dapi la fundaziun da la PPS Grischun è Roman Hug commember da la partida. En il decurs dals onns ha Roman Hug adina puspè surpiglià differentas incumbensas e funcziuns a l’intern da la partida, uschia ch’el enconuscha fitg bain la partida chantunala da la PPS e ses exponents. Sco viceschef da fracziun maina el actualmain era la fracziun da la PPS dal Cussegl grond.
Las delegadas ed ils delegads da la PPS elegian definitivamain il nov president da partida a chaschun da lur radunanza da delegadas e delegads che ha lieu gievgia, ils 16 da schaner 2020, a las 19.00, en il Gasthof zur Bündte a Jenins.
